حمادة هلال يفجر مفاجأة ويكشف حقيقة معرفته بمقلب رامز جلال!
فجر الفنان المصري حمادة هلال مفاجأة للجمهور وكشف حقيقة معرفته بمقلب الفنان رامز جلال في برنامجه رامز جاب من الآخر.
وخلال لقائه في برنامج "الراديو بيضحك" من تقديم فاطمة مصطفى، قال حمادة هلال: "روحت البرنامج قبلها بـ8 ساعات، جالي تليفون لازم تسافر لدبي هتروح لرامز جلال، عجبني فكرة البرنامج أنه خلاص رايح أقابل رامز وعارف أنه مش هيسيبنى، وهناك فعلا مش بيقولوا إيه المقلب، لكن عرفت أن أحمد فهمي هيكون معايا عشان منبقاش كدابين".
وتابع حمادة هلال: "انا مفيش مشكلة بيني وبين أحمد فهمي، فكانت حلقة مختلفة وآخر حلقة اتصورت، لما شفت الكلب اټخضيت بس أنا مخفتش منه فجأة لقيتني وقفت، لأن إحنا كان عندنا في "المداح" كلب شبه وبقيت بسأل دا إيه اللي جابه هنا هو دا المقلب، حتى السير اتحرك ووقعني، كانت حلقة حلوة وانبسطت وكنت في فترة ضغوط تصوير "المداح" لكن الحلقة فرحتني، اتمرمطنا جامد ونزلنا في مايه متلجة، وأخدت ضربه جامده في راسي".
واختتم حمادة هلال حديثه قائلا: "رامز أروح له في أي حته، طالما البرنامج إحنا مش بنمثل على الناس بتبقى المصداقية بتاعته عالية، أنا روحت لـ "رامز قرش البحر" مكنتش اعرف أنه رامز وانفعلت في آخر الحلقة انفعال عمري ما حصل في حياتي كانت لحظة صعبة، وبرامج رامز معظمها الناس متعرفش".
