فيفي عبده: أنا أصاحبي رجالة ومصاحبش الستات وأنا محدش يقدر عليا

حلت الفنانة فيفي عبده ضيفة على برنامج "كلام الناس" تقديم ياسمين عز  ، وكشفت عن تفضيلها أن يكون أصدقائها من الرجال لأن السيدات دائما يشعرن بالغيرة.

وقالت: أنا على طول راضية عن الرجالة وبحب الرجالة جدا، أنا أصاحب الرجالة ومصاحبش الستات يغيروا منك ويضيعوكي.. الرجالة يعاملوكي زي أختهم وتلاقي معاهم صدق ومش غيرانين منك ولا متضايقين، أنا بقول دايما الست تخلي بالها من الست اللي زيها..

وأضافت: السيزون القادم هو الستات المدملكة، وشوفي الموديل كيم كارداشيان، هبلت العالم بيها، نفخت وبعدين خست، وهترجع تتخن تاني معندهاش مشكلة، عندها واحد ميكانيكي تحت رجلها خياط، يالا غرز يالا فك غرز، بس كاريزما وكلهم بيقلدوها.

يذكر أن أخر أعمال الفنانة فيفي عبدة مسلسل "شغل في العالي" بطولة كلا من: شيرين رضا، فيفي عبده، مروان يونس، بيومي فؤاد، ونضال الشافعي، ونجم كرة القدم ميدو، إخراج مرقس عادل، تأليف حسين مصطفى محرم.