الخميس 13 يونيو 2024

“مش بشحت منك”.. أول تعليق من صاحب واقعة صفع عمرو دياب

موقع أيام نيوز

ضجة كبيرة شهدتها مواقع التواصل الاجتماعي، الساعات الماضية، بعد قيام الفنان عمرو دياب بصفع أحد المعجبين، على وجهه في حفل زفاف.

وفي أول تعليق له قال الشاب محمد سعد أسامة: “أنا حزين جدا أنا واحد معجب كنت عاوز اتصور معاه مش أكتر من كدة.. الحركة اللي حصلت منه مش لطيفة خالص ولا تليق بواحد تفكيره زي عمرو دياب”.

“مش بشحت منك”.. أول تعليق من صاحب واقعة صفع عمرو دياب

وأضاف في تصريحات صحفية: “الناس كلها بتتصور معاك مين اللي بينجحك؟ احنا اللي بنخليك تريند.. مين اللي طلعك فوق وحققلك مشاهدة؟ احنا اللي بندي قيمة للواحد..أنا مش بشحت منك ولا بقولك هات حاجة لله.. أنا بحبك وعاوز اتصور معاك والتليفون أنا كنت رافعة عشان معطلوش وكنت مستني الشغل أما يخلص اتفاجئت أنه اداني بالقلم على وشي”.



وتابع: “أنا مقرصتوش أنا كنت بحسسه أن في حد واقف جنبه عاوز يتصور معاه مش اكتر من كدة..حطيت ايدي على ضهره عادي أنا بحبه جدا مش بغرض اي شيء اخر لكن اتفاجئت برد الفعل ”.

وأعلن الشاب: ” أنا دلوقتي رايح أشتكيه في النقابة الأول وأشوف أي اجراء رسمي عشان اعوض حقي في اللي حصل”.

من جانبه كشف الصحفي هاني عزب، عن تطورات جديدة بشأن الواقعة عبر حسابه على “فيس بوك”.

وكتب هاني عزب: “عمرو_دياب وفريق عمله يبحثون عن الشاب الذى تم صفعه من أجل تطيب خاطره ومصالحته وإنهاء الأمر خلال ساعات القليلة المقبلة.. خاصة وأن الواقعة حدثت فى حفل زفاف يخص أهم رجال أعمال فى مصر وهما محمد السعدي ومنصور عامر.”

يذكر أن ليس هذا الموقف هو الأول لعمرو دياب، فقد قام منذ أيام قليلة بإهانة مهندس صوت على المسرح خلال إحدى الحفلات أمام الجميع، مما تسبب هذا في استياء الكثير من متابعيه.