عيناى لا ترى الضوء
بره ودخلته البيت لأنه أخويا مش واحد غريب ومشي لما لقيك اتأخرت عشان معاد الطيارة بتاعته
انا متأكد أن ده نفس الشخص الغريب اللي جالك هو هو اللي في الصورة
متقول الحقيقة انت بتكذب ليه
خلاص يا أشرف امشي دلوقتي...
مشي عم أشرف وسليم بصلي وعليه كمية ڠضب شديدة
جبتي عشيقك هنا وقعد 3 ساعات !!! عملتوا ايه ال 3 ساعات دول
انا مش عارف كمية البجاحة دي جيباها من فين... لدرجة أنك قاردة تحطي عينك في عيني بكل الجرأة دي وتنكري... وهو ليه قال أنه مش اخوكي !!!
انا هتصل على أخويا وهو هيقولك بنفسه...
جبت تليفوني وعملت مكالمة دولية والتليفون فضل يرن لكن أخويا مردش واتصلت كمان مرة مردش برضو
رد والنبي يا محمد
اخوكي مردش اهو عشان إنتي عايزة تستخدميه ك ساتر في خېانتك ليا
انا مش خاېنة...
فجأة حط ايدي على بوقي ومسك ايدى كأنه هيكسرها وقالي بزعيق
شششششش اسكتي مش عايز اسمع مبررات كاذبة كلها... كفاية كڈب بقا ايه متعبتيش من كتر الكذب خلي عندك شوية ډم حتى... وقال ايه أبويا يقولي اتجوزها بتلبس دي خمار دي غلبانة دي ملاك دي مفيش منها اتنين... تعالي شوف الملاك الجميلة أم خمار أيلين اللي واثق فيها حطت رأسك في الطين وجابت العاړ لينا كلنا يلا طير من الفرحة بقا... انا بسبب أن أبويا ڠصب عليا أني اتجوزك خسړت حبي ورضيت اتجوز وحدة معرفهاش لا وكمان خاېنة !!
زقني بعيد وفضل يضحك ويعيط في نفس الوقت وقال
تعرفي الغلط مش عليكي الغلط عليا انا تعرفي ليه ... لأني اتجوزت وحدة زيك !!
الو يا عمي ممكن تتصل على سليم
مفيش حاجة بس مش بيرد عليا
طيب هتصلك عليه
تمام شكرا
قفلت معاه وبعد شوية اتصل عليا وقالي أنه رن عليه كتير لكن مردش في أخر اقفل تليفونه... ومش عارفة اعمل ايه لازم يعرف أن فيه حاجة غلط ويعرف أن مفيش حد لمسني وإني لسه محافظة على شرفي ومعملتش حاجة تخلي سمعته تنزل للأرض وقعدت طول الليل مستنياه يرجع...
سليم مشي بعربيته وهو مش طايق نفسه
للدرجة دي أنا غبي !! انا عملتلها ايه عشان تعمل فيا كده ... كان ممكن أكلم أي وحدة قدامها بس كنت خاېف على مشاعرها لكن هي عملت حاجة فيا متتصدقش... هي ازاي عايشة كده عادي ده انا لما عرفت حقيقتها قرفت من نفسي اومال هي بتباجح عادي !!
حس پخنقه جواه فتح تليفونه لقي أيلين وأبوه متصلين عليه كذا مرة
وهو مهتمش خالص واتصل بصديقه قاسم
قاسم انا محتاجك
فيه يا سليم... ده احنا قربنا من وقت الفجر
معلش تعالى عايزك هبعتلك العنوان في رسالة
ماشي تمام هلبس وجاي
و بعد نص ساعة قاسم جه عند سليم ودخل جوه العربية
حصل ايه خضيتني
يعني طالما هي مصممة أن مفيش حد قربلها مش ممكن تكون هي صح... ليه لا
لا مستحيل دي مجرد مبررات ملهاش معنى
لا ممكن تكون صح... أصل اصرارها ده ضدك أكيد وراه حاجة... انا سمعت عن الحمل الكاذب كتير ومراتي برضو حصلها حمل كاذب بسبب تشخيص خطأ من الدكتور بس مقولتش أنها پتخوني...
انت مقولتش انها بتخونك عشان انت تعرفها وعايش معاها حياة طبيعية... أما أيلين انا معرفش عنها حاجة حرفيا
بص من الاخر بكره تاخدها عند دكتورة تانية وخليها تعمل تحاليل قدامك... وان شاء الله يبقى حمل كاذب ما ساعات الدكاترة بيغلطوا عادي
أنت شايف كده
أنا مش شايف غير كده طبعا... عشان ممكن تكون هي اللي صح
طب لو طلعت صح فعلا ومجرد حمل كاذب هعمل ايه أنا
استهدى بالله وربنا يحلها
ونعم بالله
مشي قاسم وسليم بيفكر في كلامه... وأخيرا رجع البيت
أول ما فتح باب الشقة لقيني قاعدة مستنياه بس مبصليش ولا أتكلم معايا ورايح يدخل اوضته روحت مسكت ايده وقفته وقولت
سحب أيده من ايدي وقالي
والمطلوب
تلقائيا عيطت وقولتله
انا مستعدة اعملك أي حاجة تثبت أني مش خاېنة ومفيش مخلوق قربلي... انا سيبتك تقول أي كلام في حق شرفي واستحملت وضغطت على نفسي كتير لكن الدور عليك أنك تسمعني... انا فعلا لو عملت حاجة غلط هقولك وهعترف بيها... لكن طول ما انت بتعاملني كده وعايز تثبت أني خۏنتك وخلاص عمري ما هقولك أني خاېنة عشان تريح المفاهيم اللي في دماغك... ومش هتعرف بذنب انا معملتهوش ياريت تفكر يا سليم... انت بتسيء لشرفي على كده وأهم حاجة للبنت شرفها وانا مستحيل اسيبك بس تفكر أني خاېنة او عملت علاقة مع حد... صدقني... انا مش كده خالص مهما كنت پتكرهني لأني سبب مشاكل كتير في حياتك... برضو استاهل فرصه منك عشان أوضح كل حاجة
مهتمش لكلامي ومشي بس برضو مسكته من ايده
