جوز اختي _قصه كامله

وانتي قلبك بيقولك ايه ياسلمي اهم حاجة قلبك انتي عايز ايه
سلمي. 
مش عارفه يامنيرة بس حاسه اني عايزاه وموافقه عليه جدا ومش عايزه ابعد عنه
منيرة 
سيدي ياسيدي احنا وقعنا فيه بقا ولا حدش سمي علينا
سلمي
بصراحة هو كويس اوي معايا يامنيرة غير ماكانت اختي بتحكي عنه خالص خالص مش عارفه هي كانت بتحكي عن واحد تاني غير اللي انا شايفاه ده
منيرة
ماهو يمكن قدامك حاجة وكان مع اختك حاجة ويمكن تكون اختك الله يرحمها ياسلمي متزعليش مني كانت نكديه وهو كان بيزهق منها
فضلت افكر في كلام منيرة كتير اوي ولقيت بابا بيقولي

على فكرة يا سلمى جوز اختك عايز ويتجوزك بس انا مش موافق عليه ومش هوافق ماشي
سكت ومردتش عليه وفي يوم قابلت أكرم وقالي
وبعدين يا سلمى هو ابوكي هيفضل كده علطول مقفل دماغه ومش عايز يوافق عليا
سلمي
طيب هنعمل ايه يا أكرم مانتي شايف بابا عامل ازاي
أكرم
خلاص ياسلمي يبقا مفيش قدمنا غير حل واحد هو اننا نتجوز عرفي من غير ماحد يعرف فتره بس وبعدين نعرفهم
سلمي
انت بتقول ايه يا أكرم انا لا يمكن اعمل كده ابدا
أكرم
استني بس ياسلمي دلوقتي انتي عايزاني وانا عايزك ومش هينفع نستغني عن بعض انا مبقتش عارف اعيش من غيرك قولتي ايه وافقي عشان خاطري
سلمي
ارجوك يا أكرم سبني افكر في الموضوع ده وارد عليك
وفضلت كام يوم افكر والآخر رديت على أكرم وقالي
طيب هنتقابل ونروح نكتب ورقتين وتبقى مراتي حبيبتي ياسلمي
سلمي
طيب وكده مش هنبقا بنعمل حاجة حرام يا أكرم طيب لو بابا وماما عرفو هيعملو ايه فيا ايه بس
أكرم
وبعدين معاكي ياسلمي متفكريش في اي حد دلوقتي خالص
وبعدها اتجوزت أكرم في السر وبقيت اروح شقته اللي كان متجوز اختي فيها وقولت له
بصراحة يا أكرم انا بقيت لما باجي هنا قلبي بيتقبض جامد وبخاف كده مش عارفه ليه دايما بحس ان سمر اختي شايفانا وحوالينا
أكرم
. ايه الكلام ده ياسلمي بس هو انتي عايزة تنكدي علينا وخلاص وبعدين معاكي خلينا ياحبيبتي في حالنا وبس
سلمي 
حاضر يا أكرم بس انا كنت عايزة اقترح عليك حاجة هو مش ينفع تبيع الشقه دي وتاخد شقه تانية جديدة احسن بدال منا بخاف كده
أكرم بنفاذ صبر قال 
يا سلمى يااا حبيبتي انتي اللي في دماغك دي اوهام مش موجوده مفيش حاجة ياقلبي الشقه كويسه وزي الفل اهيه وبعدين بلاش التخيلات اللي عندك دي
سلمي
حاضر يا أكرم اللي تشوفه ياحبيبي
وفضلت مع أكرم وقت ورجعت البيت ماما قالت لي 
ايه ياسلمي انتي كنتي فين ياحبيبتي وايه اللي اخرك كده
سلمي 
ماهو ياماما مش انا قولت لك اني هاروح اشتري شوية حاجات مع واحدة صاحبتي ونرجع يعني متاخرتش ولا حاجة
الام 
طيب ادخلي غيري هدومك عشان تاكلي لك لقمة زمانك على لحم بطنك من الصبح
سلمى. 
لا لا ياماما انا اكلت انا وزميلتي جبنا ساندويتشات واكلنا الحمد لله انا بس مصدعه من المشوار وعايزه انام هدخل انام
الام 
طيب ياحبيبتي ادخلي نامي ولما تصحي تبقى تاكلي
وعند أكرم كان بيتكلم في التليفون وقال 
ايوه ياباشا البضاعه وصلت وكله تمام
الباشا. 
برافو عليك يا أكرم انا قولت برضو انه مفيش حد هيخلص الموضوع ده غيرك انت طول عمرك الراجل بتاعنا يا أكرم
أكرم 
ياباشا انا تحت امرك وفي الخدمة دايما حضرتك هو انا ليا بركة الا ساعتك
الباشا 
لا وانا بقدر الرجاله كويس يا أكرم وهاشوفك يعني انت ليك مكافأة كبيره
أكرم 
مكافئتي هي رضاك عليا ياساعت الباشا متقلقش ياكبير كله في التمام ان شاء الله
الباشا. 
ماشي يا أكرم استني بقا مني تليفون عشان ابلغك بميعاد التسليم